沐白小農 (已結業)

今日約左友人們喺荃灣掃街，去到路德圍附近見到有間裝潢簡約嘅台式飲品店幾吸引，就決定一人買一杯試下。飲品店最近舉辦緊白色情人節活動，杯上貼有詩句好warm。參加活動仲可以嬴澳門來回船票同酒店😃黑糖波霸鮮奶 - 波霸大大粒好有份量，咬落有嚼勁仲有淡淡嘅黑糖清香，奶味重茶味濃，溝埋一齊好好飲。大甲芋頭鮮奶 - 飲落有芋頭粉蓉，特別嘅口感，奶香味濃稠仲帶有香芋味嘅清甜，兩者味道相當合襯。茉香綠茶鮮豆乳 - 豆乳味好濃郁，綠茶味唔算好濃，入口帶點回甘同茉莉嘅香味。口感順滑，感覺好健康。