Mee...lemongrass (彩園廣場) (已結業)

呢間附屬餐廳嘅台式飲品外賣店🥤最近係上水區新開張，做緊買一送一優惠吸引到唔少人去幫襯，而我當然唔會錯過呢一個咁好嘅機會去試吓啦。由於新開張關係，店員表示好多材料未送到，所以有啲飲品尚未發售，好似仙草同杏仁❌等等。於是我同朋友都揀咗火灸芝士黑糖珍珠鮮奶，等左唔係好耐就有得拎喇😋。雖然門面放左一排3.6牛乳🥛，但飲出嚟絕對唔係呢隻牌子嘅牛奶。因為奶味唔係好重，似一般港產奶味。而佢嘅火焰芝士🧀比較偏奶味，唔係芝士味。至於黑糖珍珠就比較甜😖，黑糖味唔係好突出，珍珠係有咬口個隻，份量都好多。整體黎講成杯飲品都唔算好正好好飲，但係如果買一送一嘅情況下，買黎消暑解渴都可以⭕️。-