影片
更多
2010-09-10
21 瀏覽
每當同媽咪兩個人諗唔到食咩好，我地就會去飲茶算數~ 是日想搵間新酒樓去下，所以就黎左呢度，之前一直未試過呢~下午兩點幾黎到，竟然全場都滿哂，要等位等左大概十多分鐘先安排到兩個位置俾我地，實在太多客人所以係非常之嘈吵下的，不過咁樣都幾有飲茶既氣氛呀~~係點心紙見到酥皮蛋撻，即刻叫左碟... 要知道蛋撻呢個點心曾經係我的最愛，只不過已經食唔返我以前食過既水準lu....但每次見到依然會忍唔住叫~~~ 呢到既蛋撻都唔太差的，黎到非常熱辣辣，酥皮幾香同埋食到一層層的，又唔會太厚。不過蛋漿就少左d... 好慳料，不過食落蛋香幾重所以都ok啦~~~另外叫左芝麻流沙包，基本上見到流沙包呢個字唔知點解就覺得好難抗拒，反正芝麻我都好鍾意，就叫左黎試下。呢個做得好食喎，皮夠薄好軟熟又夠多餡，芝麻真係會流哂出黎，好香幾好味。叫左個綠茶千層糕，不過黎到其實少少綠茶味都食唔到，反而係勁重椰汁味，有D似泰式個D椰汁糕... 其實唔難吃的，但唔覺得佢應該叫綠茶千層糕，轉左個名會好D!最後叫左兩碗粉食，分別係燒鵝瀨同油雞瀨，不過燒鵝瀨好難食，因為一食就知唔係燒鵝係燒鴨.... 咁都算啦，仲要好鬼靱而且一D味都無，唔好
下午兩點幾黎到，竟然全場都滿哂，要等位等左大概十多分鐘先安排到兩個位置俾我地，實在太多客人所以係非常之嘈吵下的，不過咁樣都幾有飲茶既氣氛呀~~
係點心紙見到酥皮蛋撻，即刻叫左碟... 要知道蛋撻呢個點心曾經係我的最愛，只不過已經食唔返我以前食過既水準lu....但每次見到依然會忍唔住叫~~~ 呢到既蛋撻都唔太差的，黎到非常熱辣辣，酥皮幾香同埋食到一層層的，又唔會太厚。不過蛋漿就少左d... 好慳料，不過食落蛋香幾重所以都ok啦~~~
另外叫左芝麻流沙包，基本上見到流沙包呢個字唔知點解就覺得好難抗拒，反正芝麻我都好鍾意，就叫左黎試下。呢個做得好食喎，皮夠薄好軟熟又夠多餡，芝麻真係會流哂出黎，好香幾好味。
叫左個綠茶千層糕，不過黎到其實少少綠茶味都食唔到，反而係勁重椰汁味，有D似泰式個D椰汁糕... 其實唔難吃的，但唔覺得佢應該叫綠茶千層糕，轉左個名會好D!
最後叫左兩碗粉食，分別係燒鵝瀨同油雞瀨，不過燒鵝瀨好難食，因為一食就知唔係燒鵝係燒鴨.... 咁都算啦，仲要好鬼靱而且一D味都無，唔好食的。但反而油雞瀨就好味，雞肉夠滑，而且佢個湯底好夠味，D瀨粉索左D湯味道唔錯~ 順帶一提佢個薑蓉都幾香幾好食。
環境唔嫌佢嘈左少少OK的，D阿姐算幾有禮貌，埋單時都多謝前多謝後，而且食物水準OK喎~ 感覺係附近黎講呢間酒樓水準算係比較好的一間，好大機會有下次~~~ =)
張貼
