東喜茶 (已結業)

奶蓋真係太太太好飲，自從上過大陸飲喜茶就一去冇回頭，知道好肥都抵唔住誘惑。係荃灣見到呢間東喜茶，雖然覺得有啲A貨既感覺，但都想試下。叫左一杯全脂芝士奶蓋綠妍，奶蓋非常厚，一飲落去係濃濃既芝士同奶味，同喜茶對比我覺得佢既奶蓋好似咸味重少少。因為奶蓋太厚既關係，飲左陣先飲到下面既綠茶。佢既綠茶冇乜甜味，飲落有少少甘味，中和翻奶蓋。因為奶蓋都幾‘漏’，叫翻唔甜既茶會好啲。之前試過玉露茶后同桂花烏龍，但相對較甜，飲得耐就會覺得‘漏’，始終都係配綠茶適合啲。價錢方面覺得有啲貴，但真係好好飲！