御苑皇宴 (已結業)

前兩日去飲老友個餐, 之前仲諗住正月會無乜人結婚, 點知去到有三家人擺婚宴! 門口無signage無招呼, 於是自己頭昂昂(仲要抱住個女)四圍搵, 正當我搵到既時候先至有位帶位小姐好"熱心"咁話俾我地知"xx聯婚"o係埋邊! 入到婚宴場地, 迫到爆, 檯與檯之間係無空位既, 而每張檯既chairs亦都係貼實哂. 不過老實講, 地方迫或者招呼唔好都唔緊要, 最衰係食物質素差: 乳豬好肥膩仲要唔知點解要擺啲海蜤碎係中間; 花枝片蝦球炒蜜豆又係成塘油係底; 翠玉瓜環甫有少少臭味; 炸蟹鉗無蟹味只係粉漿; 雞絲翅好似一碗漿糊水咁, 無雞絲更加無翅, 只有一pat pat疑似糕狀既物體; 生菜鮑片薄得透光; 炸子雞啲肉係"梅"既; 蒸魚大縮水, 我地估只係一斤多少少. 唉~ 最弊係紅豆沙同美點雙輝都係凍既!!! 如果唔係老友結婚, 我一定會叫對新人回水 (講笑jei!)!!! 我諗呢度唯一賣點係有海景囉... 但夜晚黑麻麻根本乜都睇唔到, 要有海景做乜?!