圓貝 (星光行) (已結業)

記得當初小店喺銅鑼灣開第一間店嘅時候，小編已經做咗會員(⁎⁍̴̛ᴗ⁍̴̛⁎)時至今日，真係幫襯咗好多好多次，係時候同大家介紹一下！✨藍天白雲好有意境嘅一杯飲品，由蝶豆花去製造出蔚藍嘅顏色，中間拌有椰子奶蓋、粒粒柚子同芒果肉口感都幾豐富，而確實飲完真係唔太Heavy，心理上冇咁大罪惡感！✨圓貝茉奶茶作為珍珠奶茶之鬼，當然要試一試佢嘅奶茶系列，講到明更健康更低卡，小店加入咗奇亞籽，粒粒口感相當明顯！飲落茶底出色。✨麻糬曲奇每次見到有關於曲奇餅再加上麻糬，我就忍唔住(⁎⁍̴̛ᴗ⁍̴̛⁎)小店提供四款口味：伯爵茶、抹茶、紅絲絨、朱古力。伯爵茶茶味嘅清香加上軟糯嘅麻糬，真係非常之夾！咬落去好厚身，再嘆埋杯飲品，真係feel so good。而朱古力味亦都冇想像中嘅甜膩！✨✨小店堅持每天新鮮製造全自家製的非堅果植物奶，並採用羅漢果糖代替精製糖，期望客人都可以用低卡、健康嘅方式品嚐到美味嘅飲品！