福滿庭酒家 (已搬遷) 新店位置

兩公婆放假一早去咗飲早茶，屋企附近啲茶樓已經去過曬，又想試新嘢，上網搵到呢間舖頭未試過，食評都唔錯，一於去試吓。八點幾去到，唔使等位，冇職員喺門口招呼，自己入去搵位，每張枱只可以坐四個人，我哋揀咗張要搭枱嘅枱坐低，但中間有塊透明膠板隔住，飲得安心啲。點心紙都好多選擇，價錢都算抵食，蝦餃燒賣一定唔少得，叫吓叫吓，兩個人叫咗八樣點心，一於試晒佢。樣樣點心上枱時賣相都好👍😋，尤其蝦餃一定要食，皮薄餡靚，其他點心都好好食，下次會試吓佢嘅晚餐。