喜亭軒 (已結業)

諗住食點心放題，點知原來已經取消了。不過都照樣飲茶啦。叫左10款點心，全部都合我口味，尤其三星虾餃皇最低，$9.8有3粒，真超抵食，所以忍吾住叫左2份。另外9.8的北姑雞球飯都要讚一下，因為雞肉好嫩滑。所有點心都無雪味，牛肉亦都有水準。但就點心品種選擇吾多。叫壺普洱茶，每位11蚊茶介，係值得既，無苦澀味道。環境算舒服，吾會有晚市雞煲等殘留氣味在酒樓內。可能無左放題，客人不多，所以服務亦貼心，目測只有3位樓面職員，但佢地快手快腳，完全無怠漫客人，感覺良好。