老馮茶居 (海寶花園)

因為疫情關係，好耐無去飲茶啦。今日未夠11點黎到呢間懷舊茶居，入面裝潢好懷舊，就就連杯杯碟碟都用公雞。同酒樓一樣，坐低就放低茶同盤俾你洗杯洗碗點了糯米雞同鹹水角。鹹水角好快就到，還以為唔夠熱，點知都幾熱下。皮比較厚，味道就唔係咁重味，都可以。另外，就是糯米雞，等了25分鐘先到，可能因為大隻，所以蒸既時間長啲。入面都幾足料，同埋好熱，一個人食唔晒呢兩樣，其實仲有好多想食，但一個人食量有限⋯下次會再嚟、試多啲款。