雪吧餐廳 (已結業)

同男朋友食完晚飯，我地突然好有興致想去酒吧飲下酒，行到河內道，見到有酒飲就入左去。我地叫左兩杯signature cocktail: La Negie同One Piece，仲叫左兩個小食：香草番茄醬肉丸同芝士煙肉焗大啡菇。首先送上Nuts。La Negie用左店名，飲落苦苦地，加左牛奶又幾特別，重點係賣相好靚。One Piece有頂草帽造形，好得意，飲落有少少藥水味，但可以接受。兩款小食都好食，即叫即整，熱辣辣，特別係芝士煙肉焗大啡菇，好足料又多汁。因為唔小心倒瀉左杯La Neige，侍應即刻話俾杯新既我，於是飲埋Snow White，呢款好岩女仔飲，甜甜地又順滑，好飲。呢到除左有波睇，仲有鏢擲架。