湯品 (已結業)

收工搵食，行過見到門外好多名人同Tvb採訪過既相，而餐牌配搭頗新穎，就入去試下！有幾種配搭，分別撈面/湯面，湯面既話可先選一款燉湯，然後再加配料同埋揀面。而撈面就選個面底再加配料就ok 松茸燉湯$46湯品分為濃燉及清燉，因為近來多病痛，所以揀左可以強身既松茸，味道不會太濃同油膩，但好香，湯料亦不小，有雞肉，黑木耳絲，松茸等補身既材料。海蜇醉雞翼$18海蜇選用海蜇頭，比一般條狀海蜇爽口好多，口感更佳，雞翼外層沾滿酒香，但不覺刺鼻，反而雞肉味道稍微濃返小小會更好。花鵰醉雞蛋$10雞蛋外層吸收左花雕汁，酸酸甜甜有酒既清香，開胃非常，略嫌蛋未夠入味，如果蛋黃有流心效果應該會好好食！牛肝菌醬撈米線$32牛肝菌醬其實同肉燥有點相似，醬混合微熱既米線上，帶出獨有香味，好欣賞味道方面剛剛好，亦唔會太膩，加埋湯品，令撈米線多左份清新感價錢方面略為有啲高，不過以區域黎講仍可接受，值得一試。