海港薈

營業中

休息中

終於到星期六可以休息吓唔使返工，週末就最好去飲個靚茶。搵咗間靚酒樓，望海景，chill吓。電視廣告成日見到林嘉欣喺度食植物肉，咁啱今日飲茶又見到有得食，就叫咗個咕嚕植系雞球。個樣嚟到就真係好似平時嘅咕嚕肉，食落去以為自己真係食緊肉，因為都真係食到類似纖維嘅物體，又唔會有嗰種好假或者黃豆味，新鮮炸起脆卜卜，值得一試。恩愛天鵝酥，睇圖片見佢幾得意，就叫咗個嚟試。好彩佢唔係圖片只供參考，嚟到個樣都真係同圖片一樣嘅，旁邊仲有兩粒烚咗嘅鵪鶉蛋好搞笑。味道都算唔錯，外皮都幾鬆脆，裏面有豬肉，又有啲好似芋頭蝦米，鹹香鹹香幾好味。見天氣轉涼嗌咗個燉湯嚟滋潤吓。姬松茸花膠燉鮑魚，好足料，花膠好大塊。湯飲落去好鮮味，濃郁。總括來講都唔錯，等疫情過咗之後無限最令，可以一家人一齊嚟飲茶。