影片
更多
2010-01-31
108 瀏覽
今日去完church，當然係同媽咪飲茶食野啦。新世紀開左兩間新酒樓都未黎過，就上黎試下啦。鴻星同翠苑都幾多人等，不過鴻星仲快D，所以我地就過左黎呢邊啦。地方頗大，又係裝修得靚靚要黎俾人擺酒席，檯同檯之間唔算迫，可以接受。佢安排左張細細既二人檯俾我地，仲好，我地可以自成一角唔駛理其他人。其實佢點心唔係特別多，相反小食個D比較多。佢有幾款得獎馳名點心，我地試左其中兩款。第一個係臘腸狗，其實即係臘腸卷，不過佢整到成隻狗仔樣咁。樣係幾得意，不過食落就一般般，因為佢個皮整得好厚，而且唔係好平均，仲有DD痴牙添。不過個臘腸幾好食，好香口，一咬落去有D肥油，如果個包整得好食D相信會更好。另外就係一個何首烏芝麻糕，其實我唔係好食到何首烏既味道(還是本身何首烏係無味架呢)，不過個芝麻糕幾香，食到粒粒芝麻，都唔錯啦。另外就叫左個牛肉煲仔飯，其實佢唔係好大個，不過撈埋豉油一齊食都幾好食。牛肉鬆軟，有肉味，再加少少蔥花令到佢更香，幾好。之後仲叫左個炸醬麵，呢個都幾辣下，不過又唔會得個辣字，佢都幾香，會係令你越食越想食個種。麵係粗麵，亦算彈牙無梘水味，這個也是不錯的選擇。最後叫左個甜品「麻沙糯」，其實即係糯米糍
地方頗大，又係裝修得靚靚要黎俾人擺酒席，檯同檯之間唔算迫，可以接受。佢安排左張細細既二人檯俾我地，仲好，我地可以自成一角唔駛理其他人。
其實佢點心唔係特別多，相反小食個D比較多。佢有幾款得獎馳名點心，我地試左其中兩款。第一個係臘腸狗，其實即係臘腸卷，不過佢整到成隻狗仔樣咁。樣係幾得意，不過食落就一般般，因為佢個皮整得好厚，而且唔係好平均，仲有DD痴牙添。不過個臘腸幾好食，好香口，一咬落去有D肥油，如果個包整得好食D相信會更好。另外就係一個何首烏芝麻糕，其實我唔係好食到何首烏既味道(還是本身何首烏係無味架呢)，不過個芝麻糕幾香，食到粒粒芝麻，都唔錯啦。
另外就叫左個牛肉煲仔飯，其實佢唔係好大個，不過撈埋豉油一齊食都幾好食。牛肉鬆軟，有肉味，再加少少蔥花令到佢更香，幾好。之後仲叫左個炸醬麵，呢個都幾辣下，不過又唔會得個辣字，佢都幾香，會係令你越食越想食個種。麵係粗麵，亦算彈牙無梘水味，這個也是不錯的選擇。最後叫左個甜品「麻沙糯」，其實即係糯米糍既物體，不過都幾好食，外表好鬆軟，煙煙靱靱，加上一咬落去有熱辣辣既芝麻餡流出黎，要黎做甜品唔錯呀。
服務OK，無咩大問題，環境又唔錯，會係一個飲茶既好地方。=)
張貼
