彩晶軒 (已結業)

終於黎到這間酒樓飲茶，等了30分鐘入座，6樣野只有馬拉糕和义燒包好食，其他算把…極失望，始終係好彩集團的高檔少少酒樓（之前尖咀食過彩晶軒不錯）……首先茶味道淡，每位$10茶錢，只可講佢冇比我地茶根。坐左個半鐘都冇就走，盛為：$173/2人，應該近排吾會有下次。始終太多酒樓，選擇性都多而價錢同佢差不多，改善空間比較多。艇頭海味香煎蘿蔔糕$16.8…一甲起就爛，蘿蔔粒都有，但味道欠奉。睇到點心紙…改名改到好好聽（我好少可寫點心名咁詳細，改名果位人兄的確有一手）…永和鎮鮮竹牛肉球（中）$22.8…香茜多到呢，牛肉球一點牛肉味都冇，只有香茜味，一路咬…咬吾到肉感只有菜感。即叫即製南翔小籠飽$26.8…即叫即製我吾知啦，但黎到未甲已經有流湯汁情況出現，味道其實不錯，但湯汁在桌面咁解。胡椒豬肚湯，咸到呢，有胡椒粒但冇胡椒味，講明湯，但倒左出黎連2碗小碗都冇，只可講因為咸到咁，支竹十分入味…沒其他了，其他全沒有吃和湯只飲了少許。當然都有好味…老爺子古法馬拉糕$16.8和蜜汁义燒包$16.8！好軟熟而香馬拉糕味，近排少吃咁好味道。义燒包夠熱又軟熟而香义燒香，入面醬汁剛好味道又吾杰身，好味道。