新新酒家

營業中

休息中

今天難得與家人去行山，行完去到銅鑼灣差不多是午飯時間(至怕人多又迫又趕咁食飯)，正諗緊去邊度食，剛行過呢間新新就試下，去到等左一陣就有位。點了老人家最喜歡食嘅蝦餃、燒賣、牛柏葉、芋頭糕、叉燒包。啲蝦餃大大粒又彈牙，燒賣係傳統肉粒燒賣，另外叫左個流沙脆脆球，啲流沙餡又熱又好味，加埋個好香嘅籠仔鳳爪排骨飯，全部上枱都係熱辣辣。係呢區真係唔算貴，D點心好過稻X，係即叫即整。要係銅鑼灣區搵一間經濟實惠又唔催人走嘅地方慢慢嘆杯茶食D野，呢間的確唔錯。