百樂門宴會廳 (已結業)

今天友人提議中午時段想飲茶慢慢嘆，於是黎左呢間酒樓試下。首先食呢個香蔥炸兩，個腸粉皮幾滑，但似乎滑個頭，變得好淋，油炸鬼就仲keep到個質感，仲有唔會鹹。評分：3/5呢個係黑椒牛柏葉，牛柏葉比較碎而且細件，食落無乜口感，黑椒味過重，個底有白蘿蔔索晒黑椒味。評分：1/5呢個賣相正常既鳳爪，味道無乜問題，只是鹹左少少，最大問題係鳳爪骨多而且骨比較尖，食落需要小心介損口。評分：2/5最後呢個菜苗餃，size一口食得晒，外皮都軟熟，唔會好厚皮，裡面有菜苗香而且餡料適中。評分：4/5呢度點心整體不過不失，不過還有可改善地方，價錢算合理。