好茶養生 (MOKO新世紀廣場) (已結業)

今日黎到旺角Moko行街，經過一間叫好茶養生既鋪頭，覺得幾得意，於是入左去食下午茶。好少茶飲店有座位坐而且都幾大間，裝修別緻。我地叫左杯皇牌氣血茶，桂花雪梨茶，白朱古力抹茶蛋糕同士多啤梨慕絲。依家出街多數都係叫手搖飲品，好少會飲養生茶。皇牌氣血茶可以理氣散瘀，暖宮驅寒，好適合女仔飲。我平時手腳冰冷，飲完真係會暖少少。桂花雪梨茶可以清熱潤肺，養陰生津。兩杯野飲都叫左少甜，但我建議呢杯唔好叫少甜，因為少甜左會有輕微苦苦地。白朱古力抹茶蛋糕食得出抹茶味，比較乾身。士多啤梨慕絲好食，多層次，唔會死甜，賣相又靚。