影片
更多
2018-11-22
353 瀏覽
籠太子點心店耐唔時都會經過, 上網check 下乜料, 見佢啲點心都幾別緻, 今晚特登嚟銅鑼灣近地鐵站呢間分店食。自己點心自己 tick, 佢哋嘅點心全部即叫即蒸, 交單後可能要等一陣蒸好先有得食, 另茶錢每位$3, 銅鑼灣地帶, 點心價錢算合理, 同一般酒樓價錢差唔多, 不過呢度就causal好多, 仲免收加一蟲草花生魚煲豬骨, 今日個冇味精老火湯好似幾正喎.....點心店格局有啲似茶餐廳, 裝修簡潔實用為主。呢個自家辣油超正, 夠香辣, 有XO醬風範, 拈蝦餃及牛柏葉食, 提昇味道一流!是日老火湯 ~ 蟲草花生魚煲豬骨（$19）湯頭煲到啡色，雖然用豬骨煲， 望落唔係好油膩， 入口蟲草花味道好濃， 飲得出有生魚嘅魚鮮及豬肉嘅肉香， 最緊要係冇味精, 我覺得鹽都冇落咁滞， 飲湯嘅食材香及甜， 大大碗, 夠兩個人分, 好飲又抵飲！原隻鮑魚燒賣（$34/2隻）又真係幾靚仔喎， 每粒燒賣上都放了一隻扣過的鮑魚仔。細細隻,的鮑魚仔都幾爽口， 燒賣應該用新鮮豬肉包，除咗豬肉仲有蝦肉， 肉汁好豐富, 味道適中, 呢個王牌點心值得試。龍太子蝦餃皇（$15） 蝦肉饀爽脆， 非常 juicy, 味道
自己點心自己 tick, 佢哋嘅點心全部即叫即蒸, 交單後可能要等一陣蒸好先有得食, 另茶錢每位$3, 銅鑼灣地帶, 點心價錢算合理, 同一般酒樓價錢差唔多, 不過呢度就causal好多, 仲免收加一
蟲草花生魚煲豬骨, 今日個冇味精老火湯好似幾正喎.....
點心店格局有啲似茶餐廳, 裝修簡潔實用為主。
呢個自家辣油超正, 夠香辣, 有XO醬風範, 拈蝦餃及牛柏葉食, 提昇味道一流!
是日老火湯 ~ 蟲草花生魚煲豬骨（$19）
湯頭煲到啡色，雖然用豬骨煲， 望落唔係好油膩， 入口蟲草花味道好濃， 飲得出有生魚嘅魚鮮及豬肉嘅肉香， 最緊要係冇味精, 我覺得鹽都冇落咁滞， 飲湯嘅食材香及甜， 大大碗, 夠兩個人分, 好飲又抵飲！
原隻鮑魚燒賣（$34/2隻）
又真係幾靚仔喎， 每粒燒賣上都放了一隻扣過的鮑魚仔。
細細隻,的鮑魚仔都幾爽口， 燒賣應該用新鮮豬肉包，除咗豬肉仲有蝦肉， 肉汁好豐富, 味道適中, 呢個王牌點心值得試。
龍太子蝦餃皇（$15）
蝦肉饀爽脆， 非常 juicy, 味道都好香, 若然蝦餃皮再薄丁丁, 口感會更正。
多汁小籠包（$24）
真係爆汁呢! 肉香四溢, 肉汁好豐呀, 味度也不錯, 肉汁好甜美。
藥膳雞腳 （$24）
飲茶又點少得選腳趾呢? 開心得滯......掛住食, 食完先知原來冇影佢全相, 浸雞腳嘅藥膳湯藥材味頗濃, 食到當歸、杞子及黨蔘等中藥材味道, 雞腳浸得夠腍, 既補身又可補骨膠原, 女士恩物。
流沙奶皇包 ($ 25)
又係我點的， 呢期唔知點解咁鍾意食奶皇包，籠太子嘅奶黃包奶黃香香甜甜, 夠CREAMY, 充滿鹹蛋黃香, yummy!
食點心通常我都去茶樓飲茶, 第一次食呢類點心店, 估唔到出品及味道又唔錯喎, 仲有啲新元素加咗入點心, 最緊要係有老火湯飲啊, $19 可以飲到生魚煲豬骨, 真係好過自己煲。
張貼
