心齋 (已搬遷) 新店位置

星期日中午和一家大細去o左心齋飲茶，因為之前未來過，所以一早就book了檯。首先講吓個地點，係唔就腳，不過佢\座大廈有carpark($20/hr)，所以揸車來的都唔算太方便。酒樓面積不大，但檯放得唔密，所以唔會好迫，又唔會好嘈。裝修幾好。唯一唔好的係男女厕都在酒樓外面，仲要行幾級樓梯，公公婆婆同行動不便的人士就唔係咁方便喇。點心的質素中上，但有d油，份量偏細，整體來說都算好味。個人來說，我比較喜歡佢\嘅蒸腸粉。雖然免茶，價錢都唔平，但就地區環境而言，又不算太貴。最差係冇得用信用咭，只得用現金，攪到我差d落唔到樓！