新龍城茶樓

營業中

休息中

好耐都冇去呢啲懷舊嘅飲茶茶樓，今日同屋企人揸車過咗嚟呢邊，就食返兩籠，同屋企人順便飲吓茶懷緬一下以前嘅茶樓！鮮蝦腸粉幾好食，一碟有三條，而且每一條都有三隻蝦，整體嚟講都覺得幾好食，加埋茶樓嘅豉油甜甜地，腸粉嚟講呢一個價錢質素都唔算太差，我同媽咪都非常鍾意食！蝦餃，蝦餃亦都係自己包嘅蝦餃，每一粒都充滿好多隻大蝦。個皮好薄，但係有少少痴，所以都唔容易夾起，不過呢一個價錢嚟講都可以接受！整體嚟講都非常熱鬧，而且都坐得舒服鍾意懷舊茶樓嘅朋友可以一試！