我是酸奶君 (已結業)

夏天真係好易口渴，係旺角行街，真係唔洗怕無野飲，反而係多到係揀唔落手就真🤣今次再encore我是酸奶君，上次飲咗佢個招牌吃米酸奶，今次本來想試下佢另一個招牌 特濃吃米酸奶，可惜已經賣曬，唯有試佢個燕麥酸奶！今次去，佢推出咗張印花卡，買一杯野飲可以吸一個印，儲滿9個就有免費飲品一杯，不過張卡嘅期限略為短咗啲，有效起只係由發卡起計一個月，一個月要飲9杯嘅話，平均就一個星期要起碼飲兩杯，對於我呢啲唔係經常飲嘅人，張卡就無太大作用啦！呢個吃米燕麥酸奶同招牌吃米酸奶一樣咁有咬口，非常煙韌，不過燕麥味唔濃，飲落口其實分唔清食緊紫米定燕麥，純粹係口感上有分別另外值得一讚嘅係，店家用咗紙巾包住杯野飲，唔洗怕濕嗒嗒，尤其是夏天，非常貼心！