影片
更多
2019-11-26
192 瀏覽
諗住搵個地方同好友食下野傾下偈，去朋友介紹淘大商場嘅呢間居酒屋。入到去畀左最盡嘅卡位我地，我地正想揀個冇乜人嘅位盡情傾！呢間居酒屋嘅野食有好多選擇，另外仲有唔同嘅日本酒揀。我地點左somersby apple cider配草莓($58)，好大杯，草莓酸酸地配apple cider正！本身呢支酒其實好細支，但因為加左冰所以飲極都飲唔完咁，但又唔會溝到太淡味。黑松露牛拖羅卷（$98）有六大件，每件都有大大塊牛肉喺面，黑松露味唔濃厚，但牛味唔錯。醬油川海老（$58）呢個最好食，好適合送酒。細細粒嘅蝦乾配上咸香嘅調味，好惹味。土門串燒盛（$98）串燒拼盤有牛舌、冬菇、雞軟骨、雞翼同秋葵，牛舌最香，送酒都唔錯！石鍋芝士咖喱豬軟骨定食（$78）呢個係另一個推薦，豬軟骨煮得好淋，雖然芝士味唔係超濃郁，但都令個飯冇咁漏，等耐啲先剷個底嘅話會有少少飯焦，更香口。極上牛小排壽喜鍋（$128）呢個就冇乜特別，我地都係為左食多少少蔬菜。埋單連加一每人三百多少少，食左好耐都冇人趕我地走，又多一個傾偈好地方！
呢間居酒屋嘅野食有好多選擇，另外仲有唔同嘅日本酒揀。
我地點左somersby apple cider配草莓($58)，好大杯，草莓酸酸地配apple cider正！本身呢支酒其實好細支，但因為加左冰所以飲極都飲唔完咁，但又唔會溝到太淡味。
黑松露牛拖羅卷（$98）
有六大件，每件都有大大塊牛肉喺面，黑松露味唔濃厚，但牛味唔錯。
醬油川海老（$58）
呢個最好食，好適合送酒。細細粒嘅蝦乾配上咸香嘅調味，好惹味。
土門串燒盛（$98）
串燒拼盤有牛舌、冬菇、雞軟骨、雞翼同秋葵，牛舌最香，送酒都唔錯！
石鍋芝士咖喱豬軟骨定食（$78）
呢個係另一個推薦，豬軟骨煮得好淋，雖然芝士味唔係超濃郁，但都令個飯冇咁漏，等耐啲先剷個底嘅話會有少少飯焦，更香口。
極上牛小排壽喜鍋（$128）
呢個就冇乜特別，我地都係為左食多少少蔬菜。
埋單連加一每人三百多少少，食左好耐都冇人趕我地走，又多一個傾偈好地方！
張貼
