串酒里 (已結業)

今日同個fd諗住去飲酒chill下，就搵左呢間又有手工啤，又有串燒送下酒嘅串酒里，係山林道附近又易搵。好，坐低睇下有咩好食先。麻辣醬燒雞肉串，雞肉好juicy，麻辣醬夠辣。芥末雞翼，又幾特別，芥末配雞翼又冇違和感喎！火辣牛丸，真係爆辣，呢個純辣味又唔同麻辣。椒鹽魷魚圈，炸到金黃色，炸皮薄，魷魚圈填滿滿。黃金蒜蓉燒扇貝，用蒜蓉燒好香，扇貝都算大隻，食落爽口又入味。黑松露沙律醬薯條，小朋友至愛薯條，仲有海量沙律醬，帶微微黑松露味。鹽燒日本甜薯，岀面有少少咸味，皮燒到有點脆，裡面就係粉嘅甜甜紫薯肉。