Mango Tree Café (已結業)

星期日的晚上 6 點前到餐廳，第一批就可以入座了。🕕餐廳分左右兩個區域，一邊的燈光暗暗的，感覺幽雅。另一邊的墻上畫著綠色植物的壁畫，盡顯東南亞風情🌴。每個檯面都放有盆栽和自斟水樽。來泰式餐廳，首先點泰式飲品，不負我望，＂泰式凍奶茶＂和＂mango cha cha＂的賣相與口感都優勝於這一晚點的其他菜式😋。＂泰式凍奶茶＂有一種特別的甘香，講不清楚有哪些配料，飲落就是覺得與別不同，好味！😍＂mango cha cha＂，口感非常立體，果汁味混合著香草味，越飲越覺得＂正＂。👍菜式＂燒八爪魚菠蘿沙律＂，賣相幾靚，可惜少咗沙律汁的調合，八爪魚、菠蘿、三色椒各就各位，各有各味。菜式＂泰式大蝦炒粉絲＂，有雞蛋、大蝦、紅椒、果仁、香茅，再加青檸汁的調合，吃口幾香，粉絲也炒得乾身，只是凈有顏色不夠滋味，得個＂淡＂字。主食＂椰汁蟹肉帶子扁意粉＂，看上去啲意粉沒有生氣，淋咗Ｄ。配料有帶子、蟹肉、蘆筍仔、車厘茄、蝦籽、香茅等。原粒的厚身帶子煎到表面脆脆哋，在蝦籽的陪伴下，送入口好鮮美。用椰汁煮意粉，估不到食落會有一種膩的感覺。呢間餐廳飲品的質素好過Ｄ菜式，下次可以再來飲番杯！🍹🍸