Beerliner German Bar & Restaurant (朗豪坊) (已結業)

一行6人食飯，叫左個pizza, 拼盤同德國腸拼盤每碟都大大份, 食到個個都叫滯...哈哈!拼盤不太抵食, 味道唔差, 勝在樣樣都可以試D~三文魚pizza好味, 唔會太咸, 每人細細塊唔會太飽!最鐘意佢夠薄身, 出面食既pizza感覺食麵粉多D~德國腸拼盤係必叫之選, 唔好睇佢好似唔夠飽咁~其實佢D腸係超有份量, 我地就係因為碟腸食到飽!!!呢個德國腸拼盤又係樣樣都有, 最岩一班朋友一齊食!!!不過就覺得咸左少少, 而且D酸菜唔係個個接受到~呢間餐廳食過幾次, 不過我會去返其他分店期間有人食煙都無職員阻止, 同埋人手唔夠, 落單D食物催左幾次都要成個鐘先到!