影片
更多
2017-01-26
145 瀏覽
好耐無嚟新蒲崗, 十年前的新蒲崗, 除咗係舊樓區, 重係超舊既工廠區, 但自從2011年起好了太子道東那個新樓盤後, 便忽然變得十分現代, 尤其是內面的那條景福街, 舊店不是轉手就是大翻新, 變得新潮甚有風格.一月頭的天氣, 仍然廿五、六度, 今星期忽然轉凍, 晚間氣溫跌至十四、五度, 最啱打邊爐, 下午到舊朋友公司吹水直到放工, 順便就在公司對面的小店火鍋, 小店六時才開門, 我們五時五十五分到達, 先在門口打量一下..., 一堆...應該是明星合拍照片, 我逐一研究..., 但... sosad..., 我好似一個都唔識蹯...., 老友即時彈一句: 阿伯, 你幾歲呀? ... 只供應一款套餐, 包括了前菜沙律、七款海鮮、五款火鍋配料、三款蔬菜和甜品, 最後用火鍋完成的湯做成海鮮南瓜粥, 每位$198, 這個應該都是市場價, 之前係油尖區都見過咁上下的粥底火鍋, 但這店比較慷慨, 不收加一, 也不收醬料費, 即登出來的$198就是總價, 做法夠晒大方得體.坐低, 落單..., 第一樣..., 一定係啤啦.... 藍妹, $34, 比大排檔價略貴, 但火鍋店出售, 可以理解, 個人
好耐無嚟新蒲崗, 十年前的新蒲崗, 除咗係舊樓區, 重係超舊既工廠區, 但自從2011年起好了太子道東那個新樓盤後, 便忽然變得十分現代, 尤其是內面的那條景福街, 舊店不是轉手就是大翻新, 變得新潮甚有風格.
一月頭的天氣, 仍然廿五、六度, 今星期忽然轉凍, 晚間氣溫跌至十四、五度, 最啱打邊爐, 下午到舊朋友公司吹水直到放工, 順便就在公司對面的小店火鍋, 小店六時才開門, 我們五時五十五分到達, 先在門口打量一下..., 一堆...應該是明星合拍照片, 我逐一研究..., 但... sosad..., 我好似一個都唔識蹯...., 老友即時彈一句: 阿伯, 你幾歲呀? ...
只供應一款套餐, 包括了前菜沙律、七款海鮮、五款火鍋配料、三款蔬菜和甜品, 最後用火鍋完成的湯做成海鮮南瓜粥, 每位$198, 這個應該都是市場價, 之前係油尖區都見過咁上下的粥底火鍋, 但這店比較慷慨, 不收加一, 也不收醬料費, 即登出來的$198就是總價, 做法夠晒大方得體.
坐低, 落單..., 第一樣..., 一定係啤啦.... 藍妹, $34, 比大排檔價略貴, 但火鍋店出售, 可以理解, 個人飲枝裝啤酒的風格, 與酒吧飲歐洲生啤一樣, 喜歡泡沫和啤身和四六比例, 老友德國回港, 認為大眾化的啤酒當中, 藍妹是最有德國口味的啤酒, 比佢講一講, 我再飲一大啖, 真係好感受到德國風味.... 雖然我唔知咩嘢係德國風味..., 哈哈哈哈...
講到"食", 我以為只需要有手有口, 原來唔係..., 原來重需要用"腦", 用腦去睇一睇專家教授的食法, 依家好多餐廳都會教你點樣食佢地既食品, 以前讀商學院Marketing, 讀市場策略, 整色整水絕對係市場學重點. 依家食咩嘢都有人教你食, 細心研究那幅食粥底火鍋的教授圖, 圖文並茂的, 文中咁樣樣講..: 第一步: 先烚海鮮, 第二步: 放入南瓜芋頭, 熟後變軟令粥底綿滑, 順手烚下肉類, 第三步: 食完配料, 店員奉上粥膽蛋漿加入粥底, 第四步: 熄火, 加入豬油渣芫茜及冬菜, 做成一碗吸收海鮮精華的靚粥.
每檯一個計時器, 還有教授每款海鮮的煮食時間, 友老即時又一句: 食餐飯都要睇咁多嘢..... 好花精神...., 哈哈哈...
餐廳用陶瓷鍋, 代替一般火鍋店的鋼鍋, 不會燙手, 而且係易潔塗層, 粥唔會黐底, 先倒入水多米少的清粥, 等待水滾.
然後... 店員奉上海鮮三層架, 同店員八咗一陣, 話...今天海鮮有基圍蝦、黃蜆、細蜆、沙白、大連鮑魚、大肉蟹和多寶魚. 基圍蝦好大隻, 十分生猛, 上檯後忽然跳起, 當堂比佢嚇一嚇, 為了減輕佢既痛苦, 迅速放入滾粥當中..., 真係... 南無阿彌陀佛... 罪過罪過, 希望蝦蝦早登極樂...
個人口味, 食火鍋, 最緊要新鮮, 只要材料新鮮, 根本不需要太重調味, 蝦肉鮮甜彈牙, 只需加些少蔥花和辣椒醬油, 已是極品.
中等大小的大連鮑魚, 拆殼後, 去除內臟, 又加上蔥花辣椒醬油, 成件放入口, 彈牙而不韌, 可惜只得一件.....
到了大主角出場, 肉蟹已切開一半, 放粥內煮十五分鐘, 再浸多三分鐘就剛好, 煮熟後變紅的蟹殼, 少少白色蟹肉外露, 見到都流口水了.
又是個人風格, 喜歡先食蟹鉗, 肉蟹的殼, 比花蟹和大閘蟹的殼硬得多, 用口咬不開, 偶一不慎, 分分鐘咬到成口血, 都係用鐵鉗夾碎外殼比教好, 夾碎外殼外, 再放熱粥肉浸多一浸, 才蘸些醬油, 入口鮮味無窮.
據餐牌上介紹, 海鮮中, 有黃蜆、細蜆和沙白, 之前睇過生果日報的副刊, 曾介紹過此三種的分別, 但唔太記得清楚, 大致係... 沙白殼厚, 殼有黑白印, 肉大, 口感煙韌, 而蜆則體形細, 花紋多呈不規則狀, 顏色深, 肉削, 但味道鮮甜. 對我而言, 食咗落口, 種種都差唔多, 最緊要又係加些少蔥花和辣椒, 洒幾滴醬油, 超正!
多寶魚, 之前報紙有介紹, 不論野生或養殖, 都不容易死, 所以在街市, 當成游水魚賣, 非常吸引, 當然, 野生比養殖貴得多, 而且魚味也濃得多. 一般酒家用那一種?? 唔... 其實你應該問一問自己比咗幾多錢先..., 如果你唔係低能既..., 應該有常識吧... 哈哈哈.... , 多寶魚, 其實即是比目魚, 口生在左方, 所以香港人也稱為左口, 而"多寶"之名, 是由英文 Turbot譯過來, 近年大陸養殖成功, 變成多產魚, 不論野生或養殖, 肉質都十分嫩滑, 如果閣下味覺超凡, 必能嘗出野生和養殖的分別, so.., 今晚的多寶魚真係好嫩滑....
食完一堆海鮮, 還有套餐內包括的五項火鍋配料, 在未落火鍋配料前, 店員提醒, 先放入煮粥材料: 粟米、南瓜、芋頭, 讓材料煮耐些少, 之後落米煮粥會更入味.
火鍋食炸魚皮, 就好像蘸醬油一樣, 放落湯一下, 迅即夾起, 有湯汁, 又保留八、九成脆口, 是最好味.
而灼黃金響鈴, 與炸魚皮一樣, 都要快, 但可以慢半秒, 如果炸魚皮放湯半秒, 則黃金響鈴放湯兩秒便剛好.
雖然我不知道這件美國肥牛是否真的來自美國, 但的確夠夠牛肉味, 最後還翻單叫多一碟.
個人口味, 火鍋配料中的驚喜是醬爆貢丸, 並非街外的多液體爆汁品種, 而是中心咬落軟滑的豬肉餡, 味道香又濃.
食完火鍋, 店員準備煮粥材料: 莞茜、菜脯、冬菜、蔥花和最重點的豬油渣, 加入了豬油渣, 煮成的粥會香好多.
店員幫手把之前放入的粟米、南瓜、芋頭壓碎, 讓它更容易溶和入粥中. 煲粥無油無味精, 健康過一般的打邊爐.
最後煮出來的粥, 顏色帶黃, 粥底滑溜, 米香重, 吸收海鮮和火鍋配料精華, 還有芋頭南瓜香味, 雖然今天氣溫十五度, 但食完全身出汗....
張貼
