Home Sweet Home (已結業)

晚上約左朋友去太子附近食個晚飯，想搵一間安靜，坐得舒服的cafe, 就來到呢間西餐廳，燈光帶點暗，氣氛挺浪漫，播住浪漫英文歌，聊下天。我地4個人點左一個海鮮拼盤，三個set dinner,海鮮拼盤有蟹、蝦、生蠔、蜆，生蠔有8隻咁多，每隻都好飽滿，鮮甜。蟹都好大隻，好多膏，呢個拼盤算抵食。前菜有個濃龍蝦湯、青瓜海膽、帶子刺身。澳洲A5和牛，肉質不錯，生熟程度剛好，醬汁都調教得恰到好處，牛肉沾上醬汁後更好食，配菜仲有半個烤焗蒜頭，好香好惹味。大啡菇松露意大利飯碟子好精美特別，松露味夠濃，飯粒軟硬程度剛好，不錯。龍蝦有足一隻，有兩隻大爪，都算多肉，配菜不同其他菜式，有Parma Ham同豆角，餐飲可以揀House wine總體不錯，可以一試。