影片
更多
2023-05-07
403 瀏覽
之前去對面買大家樂見到呢間鋪已經好好奇啲野食點，今次咁啱想食三文治，所以就去買。因為唔係好餓，所以就淨係買左半個雞肉三文治同個藍莓蛋糕。野飲就無試到。雞肉三文治🐓🥬🥕🍞(包係麥包)比起coffee shop嗰啲，差唔多係兩倍大，第一啖覺得無平時食嗰啲咁多醬，心諗係咪中伏太清淡，但食多兩啖就覺得啱啱好，啲菜都好新鮮，無澀味，雞肉一啲都唔鞋，仲會見到一面有香草，雖然食唔太出香草味，但就令我感覺係有心思處理過個雞肉，夾埋本身就搽左喺三文治裏面既沙律醬啱啱好，唔覺得油膩又唔會覺得淡茂茂，係啱啱好既感覺。❗️如果唔鍾意食咁多包既可能會唔鍾意，但我覺得好正❗️藍莓紅絲絨蛋糕🫐🍰成個蛋糕四周圍都係藍莓，而除左兩層係絲絨蛋糕，其中有兩層唔同深淺色既，係好似奶凍/乳酪凍既味道同質地咁既，下層既就深色啲藍莓味重啲啲。蛋糕整體係好moist，食落甜得適中，藍莓好多，所以藍莓味同藍莓既酸味幾出，仲有就係啲奶凍既味，成個食曬都無負擔。❗️我平時食嘢好甜，如果係平時食開低糖甜品既人應該會幾鍾意，同我一樣鍾意甜到漏既就要有心理準備佢唔太甜。❗️
因為唔係好餓，所以就淨係買左半個雞肉三文治同個藍莓蛋糕。野飲就無試到。
雞肉三文治🐓🥬🥕🍞
(包係麥包)
比起coffee shop嗰啲，差唔多係兩倍大，第一啖覺得無平時食嗰啲咁多醬，心諗係咪中伏太清淡，但食多兩啖就覺得啱啱好，啲菜都好新鮮，無澀味，雞肉一啲都唔鞋，仲會見到一面有香草，雖然食唔太出香草味，但就令我感覺係有心思處理過個雞肉，夾埋本身就搽左喺三文治裏面既沙律醬啱啱好，唔覺得油膩又唔會覺得淡茂茂，係啱啱好既感覺。
❗️如果唔鍾意食咁多包既可能會唔鍾意，但我覺得好正❗️
藍莓紅絲絨蛋糕🫐🍰
成個蛋糕四周圍都係藍莓，而除左兩層係絲絨蛋糕，其中有兩層唔同深淺色既，係好似奶凍/乳酪凍既味道同質地咁既，下層既就深色啲藍莓味重啲啲。蛋糕整體係好moist，食落甜得適中，藍莓好多，所以藍莓味同藍莓既酸味幾出，仲有就係啲奶凍既味，成個食曬都無負擔。
❗️我平時食嘢好甜，如果係平時食開低糖甜品既人應該會幾鍾意，同我一樣鍾意甜到漏既就要有心理準備佢唔太甜。❗️
張貼
