美心MX (已結業)

夜晚嚟到美心MX選擇都幾多，食快餐又唔使等位又快，真係肚餓嘅首選可能因為時間尚早，所以火鍋自助醬料站啲材料好齊全又好靚如果要食火鍋真係要早啲嚟，晏啲就會俾人整到周圍都係，見到都唔開胃不過可惜今晚冇打算食火鍋，反而叫咗個焗豬份量都幾多，炒飯底，厚厚嘅豬扒同蕃茄菠蘿一齊焗豬扒略嫌有點肥，有四份一嘅位置都係肥膏個人接受唔到淨食肥膏，仲要咁厚，唯有切走佢再食保溫嘅兜仲住熱辣辣嘅炒飯，濃濃嘅茄醬同芝士又真係好難抗拒嘅朋友叫咗個扒餐，有魚柳扒同豬扒，下面有薯仔，紅蘿蔔，翠玉瓜同青豆餐配龍蝦湯，橙色嘅湯都冇咩料同肉，味精少少重同場見到好多人打邊爐，啲料好豐富，堆到成座山咁