阿朱家 (太安樓)

營業中

休息中

啲人成日話太安樓好多嘢食，我近期都要在附近搵食但冇食過唔識揀，諗住見邊檔多人幫襯就買邊檔。今日哩檔好多學生排隊就試吓先。本來想買包飯但又怕唔夠飽，所以買咗烤牛拌飯 （$40）除咗有主角烤牛肉之外，仲有好多配菜，包括泡菜、菠菜、青瓜、紅蘿蔔絲、芽菜、腐皮切絲、煎雞蛋切絲，面頭灑了些紫菜及芝麻，飯係熱嘅珍珠米（好驚食凍飯，好在係熱嘅）。份量很足，味道都唔錯，有汁又唔會咸。店舖收現金、八達通。雖然有6-8人排前面，但好快輪到，前後唔駛10分鐘就搞掂走得。可惜買完至知OpenRice有提供rice dollars 外賣自取獎賞，唯有等下次下次想試下其他各式包飯（$30-$35），應該都夠飽。