+5ºC 手抓餅專門店 (已結業)

想幫襯呢間好耐喇，因為我係手抓餅fans, 今日終於有機會試吓  大概十二點半去到，阿姐剛剛開舖。唔想比壓力人，我唯有行去Today買杯珍珠奶茶先。返轉頭已有一對男女等緊喇，呢度係自己剔fillings, 另可免費加沙律醬（個人認為一定要加！）揀咗烤雞肉、甜粟米、肉鬆。呢個配搭係我個perfect match啦。個餅整起熱辣辣，返到屋企先慢慢嘆就啱啱好喇。fillings好多, 好好味，以我㨂嘅呢個配搭加沙律醬真係一流呀。剛才等嘅時候聽到有班學生經過，其中有個話想食手抓餅，但另外一個話手抓餅唔飽咖喎。唔會啦，我食完一個勁飽呀！