影片
更多
2022-01-03
2200 瀏覽
物超所值聖誕大餐🎄呢間餐廳我哋之前都訂過兩次位，但係最後都冇嚟到。估唔到聖誕好有驚喜呀！餐廳地點位於蘭桂坊大街，半開放式設計，坐住高枱吹一吹水、吹一吹風又得！食物區分為幾大部份。芝士及風乾火腿/前菜/麵包/海鮮/熱食/甜品。無可厚非最吸引嘅一定係甜品，甜品位置就喺門口入邊。甜點款式真係猶如一個酒店自助餐，店家一啲都唔孤寒，每件蛋糕都好大件好足份量。甜品款式合共有14款蛋糕，分別有：Tiramisu四款冬甩雲呢拿泡芙朱古力泡芙意大利傳統聖誕麵包蘋果批堅果蛋糕咖啡蛋糕芝士蛋糕莓果蛋糕黑朱古力蛋糕檸檬芝士蛋糕回歸返去芝士及風乾火腿區：4款芝士加5款風乾火腿。由於我唔係芝士嘅專家，我只係食到羊奶芝士夾風乾檸檬片、鋪滿杏仁碎嘅芝士、仲有款好好食，好似個Tiramisu 咁上面鋪滿合桃嘅芝士。麵包有四款，亦都有4款醬汁可以配搭。我食咗3個Pizza Bianca。兩條女食麵包棒同薄脆，食得津津有味。佢地話點啲黑松露醬好似食緊薯片咁。我試過薄脆，好似有啲芝士同羅勒係入面，好食。除了沙律菜，Ravioli 意大利雲吞意大利雲呑同Sedani Rigati意粉外。仲有多款意大利醃漬食物，除咗橄欖，但我只
食物區分為幾大部份。芝士及風乾火腿/前菜/麵包/海鮮/熱食/甜品。
無可厚非最吸引嘅一定係甜品，甜品位置就喺門口入邊。甜點款式真係猶如一個酒店自助餐，店家一啲都唔孤寒，每件蛋糕都好大件好足份量。
甜品款式合共有14款蛋糕，分別有：
Tiramisu
四款冬甩
雲呢拿泡芙
朱古力泡芙
意大利傳統聖誕麵包
蘋果批
堅果蛋糕
咖啡蛋糕
芝士蛋糕
莓果蛋糕
黑朱古力蛋糕
檸檬芝士蛋糕
回歸返去芝士及風乾火腿區：4款芝士加5款風乾火腿。由於我唔係芝士嘅專家，我只係食到羊奶芝士夾風乾檸檬片、鋪滿杏仁碎嘅芝士、仲有款好好食，好似個Tiramisu 咁上面鋪滿合桃嘅芝士。
麵包有四款，亦都有4款醬汁可以配搭。我食咗3個Pizza Bianca。兩條女食麵包棒同薄脆，食得津津有味。佢地話點啲黑松露醬好似食緊薯片咁。我試過薄脆，好似有啲芝士同羅勒係入面，好食。
除了沙律菜，Ravioli 意大利雲吞意大利雲呑同Sedani Rigati意粉外。仲有多款意大利醃漬食物，除咗橄欖，但我只認得個樣，唔識個名。
前菜張枱好長，起碼16款前菜，樣樣個賣相都有鋪過紅楓葉，好聖誕氣氛好正吖！
其中一個前菜鋪滿晒黑松露片，有一個仲放咗個雪糕筒好得意！我個人最中意食個水牛芝士蕃茄，同埋油漬小魚。
海鮮類有蟹鉗、龍蝦、青口、螺、蝦。熱食區係正嗰Open Kitchen前面，睇住啲廚師煮完攞出嚟，真係正。
有烤羊架、烤牛肉、烤雞、鬼佬乳豬、焗豬肋骨。嗰個烤羊架好Pink好幼香滑，有史以嚟，我食過最好食嘅羊架就喺呢度。
另外仲有鹽焗鮮魚、海鮮湯、千層麵、焗扇貝、香煎肉腸、炆牛肋骨、炒菜、焗時蔬。最得意就係個千層麵，一層皮夾住茄子，又有夾住番薯，再加埋啲肉碎，好好味。好鬼飽！
除咗上面咁多嘢食之外，仲有即叫即整嘅Woodfire pizza 🍕共6款Pasta🍝共3款。咁樣就可以確保客人可以食到最熱辣辣同最新鮮嘅。
Woodfire pizza 🍕共6款，分別有：Margarita/Ham & Mushroom/BBQ Chicken/4 Formaggi/Pepperoni/RomanPasta🍝共3款，分別有：Spaghetti Bolognese/Penne with Salmon in Pink Sauce/Fusilli with Mix Mushrooms, Cream Sauce
食物素質高、服務好，環境靚，仲有魔術師為我哋表演，我好滿意今次自己嘅安排，祝大家聖誕快樂！
張貼
