鮮芋仙 (已搬遷) 新店位置

朋友一直都好想食台灣嚟嘅鮮芋仙，同佢喺尖沙咀行街行到差唔多6點幾，行過見到唔算好多人，攞飛後等咗20分鐘左右就入得啦👏🏻👏🏻但7點左右真係好多人排隊，所以唔想排咁耐可能真係要6點左右就去到朋友叫咗冰芋圓4號，真係好足料，芋頭好綿密好好味，鍾意食芋頭嘅朋友唔可以錯過，啲冰加埋啲煙韌珍珠芋圓真係又消暑又有口感我叫咗芋圓紫米粥，太鍾意食紫米所以都試吓雖然睇落平平無奇，但入面都有好多芋圓，紫米煲到好綿好好食，食完好飽肚搞到最後無食到晚餐撇除佢要排隊同等之外，其實環境好舒服45分鐘用餐時間都夠同朋友傾吓偈，下次如果都唔使排咁耐，會想再試吓佢出名嘅仙草