福丸水產 鉄板燒 日本料理 (已結業)

先來嘅前菜係有腐皮、海藻同沙律等，味道較清新，可以為嚟緊嘅食物打好底！叫咗杯接骨木花冰啤，飲落甜甜地，夠晒凍，好易入口，幾鍾意，不過好似隻隻味都差唔多咁～花竹蝦配墨魚籽，蝦肉好甜好爽，師傅連蝦殼都整到好脆俾我哋食，配埋墨魚籽鹹鹹香香～白金鯛配海膽醬，見師父1個人要整俾好幾位食客都好有心，白金鯛先炸後焗，口感特別，魚肉唔會好乾！法國紫甘筍，食落比一般甘筍更甜！重頭戲係京都A5和牛，師傅會表現噴火一幕，好吸睛，我就揀咗5成熟。真係煎到啱啱好，唔會話好油膩但又夠淋身，牛味亦夠香～仲有煙肉炒飯同蜆肉湯，好飽！仲有一大碟炒椰菜～最後仲有雲呢拿黑糖雪糕！