影片
更多
2023-08-19
1851 瀏覽
📌飽覽維港景色嘅米芝蓮中菜廳隨着麗晶大酒店嘅新開幕 欣圖軒轉名後嘅麗晶軒都keep住有米芝蓮兩星 所以今次就試吓佢哋keep唔keep到水準😋今次主要食佢哋嘅點心 片皮鴨 同埋叉燒🍵大紅柑普洱茶餐廳職員好仔細咁介紹呢種茶嘅背景同埋味道 有趣嘅係呢款嘅茶葉一早收咗入整個柑裡面 令到陳皮柑香更突出職員仲會喺旁邊即場處理茶餅 茶餅聞落有非常香濃嘅陳皮甘香 飲落去醇香順口 非常適合一家人一齊品嚐嘅茗茶😽🍴香烤片皮鴨先講咗佢哋嘅片皮鴨 喺片皮鴨關注組見到嘅時候已經覺得非常吸引😍雖然價錢係比較貴 但見到職員好細心咁續片鴨皮撇油同片出最薄身嘅鴨皮 就覺得非常值得😋揭開鴨皮就會見到真係一啲皮下脂肪都冇😚然後就可以配上餐廳提供嘅配料一同享用😙餐廳除咗提供傳統嘅配料 更有啲新穎嘅配料配搭 例如木瓜絲 柚子粒 菠蘿條另外餐廳除咗提供傳統片皮鴨醬 仲有 餐廳嘅梅醬柚子醬比客人選擇 我自己都幾鍾意片皮鴨加青瓜 京蔥 菠蘿條 同埋柚子醬食～個人認為佢哋喺傳統同創意上都有個好好嘅平衡 唔會話加咗新嘢會特別奇怪 值得一讚👍🏻佢哋嘅片皮鴨比較特別嘅地方就係可以三食🤩除咗有鴨肉絲生菜包 仲可以整炸鴨肉卷 呢個炸鴨肉卷非常
📌飽覽維港景色嘅米芝蓮中菜廳
隨着麗晶大酒店嘅新開幕 欣圖軒轉名後嘅麗晶軒都keep住有米芝蓮兩星 所以今次就試吓佢哋keep唔keep到水準😋
今次主要食佢哋嘅點心 片皮鴨 同埋叉燒
🍵大紅柑普洱茶
餐廳職員好仔細咁介紹呢種茶嘅背景同埋味道 有趣嘅係呢款嘅茶葉一早收咗入整個柑裡面 令到陳皮柑香更突出
職員仲會喺旁邊即場處理茶餅 茶餅聞落有非常香濃嘅陳皮甘香 飲落去醇香順口 非常適合一家人一齊品嚐嘅茗茶😽
🍴香烤片皮鴨
先講咗佢哋嘅片皮鴨 喺片皮鴨關注組見到嘅時候已經覺得非常吸引😍
雖然價錢係比較貴 但見到職員好細心咁續片鴨皮撇油同片出最薄身嘅鴨皮 就覺得非常值得😋
揭開鴨皮就會見到真係一啲皮下脂肪都冇😚然後就可以配上餐廳提供嘅配料一同享用😙
餐廳除咗提供傳統嘅配料 更有啲新穎嘅配料配搭 例如木瓜絲 柚子粒 菠蘿條
另外餐廳除咗提供傳統片皮鴨醬 仲有 餐廳嘅梅醬柚子醬比客人選擇
我自己都幾鍾意片皮鴨加青瓜 京蔥 菠蘿條 同埋柚子醬食～
個人認為佢哋喺傳統同創意上都有個好好嘅平衡 唔會話加咗新嘢會特別奇怪 值得一讚👍🏻
佢哋嘅片皮鴨比較特別嘅地方就係可以三食🤩
除咗有鴨肉絲生菜包 仲可以整炸鴨肉卷 呢個炸鴨肉卷非常好食 值得一試
🍴蜜汁黑豚叉燒
佢哋最signature嘅叉燒都keep到水準
蜜汁剛剛好調出叉燒嘅肉甜味～
🍴原隻鮑魚海鮮脆芋盒
呢個都係餐廳嘅招牌菜式 但係反而對呢個菜式就失望☹️
鮑魚食落去唔新鮮 職員又話呢款菜式採用嘅係罐頭鮑魚 我個人認為如果做得招牌菜式 倒不如用靚啲新鮮嘅鮑魚😂感覺上會好食好多
下面嘅炸芋盒裏面有淡淡蟹肉 如果將整個菜式分開食就覺得OK 但係菜式嘅醬汁比較濃 已經蓋過咗蟹肉天然嘅甜味 再加上芋盒本身味道較heavy較膩 個人認為呢個配搭唔係太好 希望餐廳可以改善下～
🍴臘味蘿蔔糕二重奏
餐廳用兩種唔同方式去呈上蘿蔔糕
再加上佢哋嘅XO醬 係好食的～
🍴海鮮脆春卷
新鮮滾熱辣嘅春卷唔會油膩 唔錯～
🍴青芥末雞粒鹹水角
呢個配搭覺得好新奇所以叫咗黎試 又估唔到想像中好食好多🤣
青芥末嘅微辣令到鹹水角惹味咗 我自己就覺得唔點旁邊嘅沙律醬會好食啲🤣
🍴蝦餃燒賣
呢啲比較大路嘅點心就一次過講
佢哋嘅蝦餃一向都出色 筍尖都好好食
而燒賣就有好香濃嘅豬肉同一隻大鮮蝦
大家都可以叫黎試下
🍴蜜汁叉燒包
呢個就正常發揮 無話特別好食～
今次比較多人一齊食午市嘅關係 所以可以試嘅菜式都比較多😆
有啲冇乜特別我就冇詳細講啦～
因為叫咗片皮鴨所以價錢就比較貴🙈
不過個人認為欣圖軒好食啲🥲
唔知係咪餐廳有換咗大廚 食得出菜式嘅醬汁搭配有唔同🤔
服務就無問題 好好的👍🏻
希望Regent集團做得返之前嘅水準🤓
💰人均650-700
🍽️ 食物：🌕🌕🌕🌕🌑
🥂 飲品：🌕🌕🌕🌕🌗
👩🏻🍳 環境：🌕🌕🌕🌗🌑
💯CP值：🌕🌕🌗🌑🌑
✅回頭率：🌕🌕🌕🌑🌑
Overall: ⭐️⭐️⭐️⭐️ (out of ⭐️⭐️⭐️⭐️⭐️)
📍 麗晶軒
@laichingheen
地址：尖沙咀梳士巴利道18號香港麗晶酒店地舖
Hashtags🔎
#eatgoodwestsin_tsimshatsui
#eatgoodwestsin_chinese
#eatgoodwestsin_michelinstar
#eatgoodwestsin_kowloon
20 瀏覽
0 讚好
0 留言
165 瀏覽
0 讚好
0 留言
27 瀏覽
0 讚好
0 留言
31 瀏覽
0 讚好
0 留言
44 瀏覽
0 讚好
0 留言
70 瀏覽
0 讚好
0 留言
35 瀏覽
0 讚好
0 留言
22 瀏覽
0 讚好
0 留言
60 瀏覽
0 讚好
0 留言
28 瀏覽
0 讚好
0 留言
35 瀏覽
0 讚好
0 留言
21 瀏覽
0 讚好
0 留言
張貼
