影片
更多
2023-07-18
1240 瀏覽
🇭🇰✨尖沙咀海景西餐廳🍴第一次嚟尖沙咀中心，原來位於3樓嘅西餐廳可以飽覽維港景色而且平日夜晚相對比較少食客，適合同朋友靜靜地傾吓偈。侍應嘅服務非常到位，會主動換碟、詢問食客需唔需要額外嘅刀叉去share食物。食物味道唔錯，調味略為重口少少，適合重口味人士。餐廳不定時會有live band表演，演唱懷舊經典金曲，如果有家中長輩喜歡聽歌嘅話，不妨可以事前向餐廳查詢live band演出時間。① Pork Knuckle 🐷 $198🔹豬蹄好大份😱佢係屬於德國北部柏林個種煮pork knuckle，豬皮Q彈，豬肉紮實嫩滑，肥而唔膩，而唔係南德法蘭克福嗰種烤pork knuckle。豬蹄本身已經用鹽醃過，所以已經帶少少調味；亦可以喺red wine gravy、creamy mushroom、BBQ、honey mustard sauce四款醬汁中揀一款沾嚟食。② Lobster Bread with Lobster Soup $138🔹 麵包鬆軟，切粒嘅龍蝦彈牙，可以沾龍蝦湯一齊食。朋友平時食得比較清淡，對佢嚟講，龍蝦湯偏鹹，所以沾少少已經足夠。③ Tiger Prawn Linguine
✨尖沙咀海景西餐廳🍴
第一次嚟尖沙咀中心，原來位於3樓嘅西餐廳可以飽覽維港景色
而且平日夜晚相對比較少食客，適合同朋友靜靜地傾吓偈。
侍應嘅服務非常到位，會主動換碟、詢問食客需唔需要額外嘅刀叉去share食物。食物味道唔錯，調味略為重口少少，適合重口味人士。餐廳不定時會有live band表演，演唱懷舊經典金曲，如果有家中長輩喜歡聽歌嘅話，不妨可以事前向餐廳查詢live band演出時間。
① Pork Knuckle 🐷 $198
🔹豬蹄好大份😱佢係屬於德國北部柏林個種煮pork knuckle，豬皮Q彈，豬肉紮實嫩滑，肥而唔膩，而唔係南德法蘭克福嗰種烤pork knuckle。
豬蹄本身已經用鹽醃過，所以已經帶少少調味；亦可以喺red wine gravy、creamy mushroom、BBQ、honey mustard sauce四款醬汁中揀一款沾嚟食。
Pork Knuckle
$198
5 瀏覽
0 讚好
0 留言
② Lobster Bread with Lobster Soup $138
🔹 麵包鬆軟，切粒嘅龍蝦彈牙，可以沾龍蝦湯一齊食。朋友平時食得比較清淡，對佢嚟講，龍蝦湯偏鹹，所以沾少少已經足夠。
③ Tiger Prawn Linguine with Lobster Cream Sauce $188
🔹 linguine al dente，醬汁並唔係預期好creamy個種，反而有啲似炒意粉嘅感覺，幾惹味幾好食
題外話，女廁出面掛咗個牌寫住「美女」，覺得都幾搞笑😂同埋隔離好似係酒吧，有機會隔離嘅煙味飄咗過嚟，所以一開頭去到餐廳門口嘅時候覺得有啲煙味。
📍 星滙演 (尖沙咀)
尖沙咀麼地道66號尖沙咀中心3樓
張貼
