好客來餃子店 (已結業)

想食餃子，又咁岩行過太子，「美味店」實在是不二選。但正值晚飯時間，預料「美味店」會有人龍，所以作罷，轉睇附近幾間餃子店。正正響「美味店」行前幾步，見呢間以北方人手作招徠，而湯底又話係真材實料，好，即管一試。餃子個人偏好韮菜或白菜。正好有齊，亦可雙併，於是5隻韮菜加5隻白菜，湯餃。十分鐘後端上碗來，一看湯底淡白色再加些許葱粒，即有「未見官先打二十大板」之感。撥開葱，喝一口湯，説好的「老火例湯 大地魚/鮮雞/蝦米/豬骨」呢？頂盡只係大地魚粉+雞粉再開水...再者，北方餃子配兩條西生菜係咩玩法呢師傅..算，主角出場。先嘗應該比較淡口既白菜餃。拎起身，餃型尚可，而且飽滿。輕咬開一角，皮也算簿滑。內裡用料算夠，味足也不咸。北方人叫的白菜其實是我哋叫既津白 (天津白菜)，所以沒假的確是北方手工。總結： 餃子主角不過不失，但湯底失盡分。如果唔想排「美味店」既隊，呢間可以係快捷之選。