餃掂手工餃子雲吞專門店

呢間餐廳成日都經過，今晚諗唔到食咩，又見到佢無咩人排隊，於是就入左去！夜晚大約7點去到，店入面已經坐滿8成，座位唔算少，但坐得比較逼！四川涼麵 ＄28涼麵加埋麻醬，呢個配搭無得輸，但食到最尾，覺得個醬有d鹹！雙拼煎餃：韭菜／椰菜木耳 ＄60煎餃過左差唔多三個字先到，耐過涼麵好多，但佢上台真係熱辣辣! 餃子覺得可以用皮薄黎形容，煎到脆卜卜，至於餡方面，個人覺得韭菜比較出色！韭菜既味道比較濃，好足料，而椰菜木耳就明顯清淡好多，同埋唔係好食到木耳，但椰菜就真係好爽口！下次會想試埋其他口味既餃子！