愛食家 (已結業)

行過見到新開小店，裝修簡單，不過標榜福建餃子，平時好少見，所以就去試下。第一次堂食試西洋菜餃，大大隻好飽滿，味道好好。第二次試韮菜餃子麵，韮菜餃好咸，麵雖然話自己拉，不過就淋左啲，同埋啲麵無咩味道。佢地嘅豆漿係唔同其他店舖，零甜味，未必人人接受到。第三次試買西洋菜生餃返屋企打邊爐，仍然係大大隻好飽滿，不過真係太咸。其實我覺得呢間店主係有heart, 餃子都真材實料，不過希望調味方面改善一下，下次我會再試試其他餃子。