八方雲集鍋貼水餃專門店

營業中

休息中

難得今日放假，去咗碧海藍天大型商場逛一逛，呢度嘅大型商場及超級市場都好大，除咗睇電器，衣服同埋超級市場之外，都可以消磨一個下午，行到攰攰地，肚仔又開始餓啦。今晚又要去媽咪度食飯，所以最好就食少少野墊下個肚先。咦：原來呢度都有一間八方雲集，啱晒我嘅要求啦！酸辣湯，真係好好味，味道較得啱啱好，酸酸辣辣，非常開胃，朋友嗰個紫菜花枝丸湯，佢都話好味到不得了，芫西的香味，青青甜甜，花枝丸爽口彈牙。我哋揀咗兩款水餃，一款係招牌水餃，另一款係粟米水餃，兩款都各有特色，我就比較鍾意招牌水餃多啲。另外我哋叫咗兩款煎餃子，一款係招牌餃子，另一款係咖喱餃子，我就覺得咖喱餃子嘅味道怪怪地，都係食返招牌餃子穩陣啲，唔使乜嘢都試新野嘅。