餃掂手工餃子雲吞專門店

經過餃子店時，看到湯餃子會跟個無添加、真材實料的湯，感覺幾健康，有家的味道。我同朋友點了湯餃子、煎餃子及涼麵，一同分享剛剛好飽。雲耳椰菜豬肉餃有細碗或大碗，都會跟個狀元九鼎湯。我地點大碗有10隻餃子，餡料的菜肉比例剛好，肉嫩多汁，又帶有椰菜香甜和雲耳爽口。另外，韭菜豬肉餃都是要大的，才$56有10隻，煎餃等了好耐才有，但煎的非常香脆，肉餡同樣好食，韭菜香味都充滿口腔，配個椒醬味道辣辣地更惹味，不過咸左少少。四川涼麵 $30，拌勻食有輕輕麻辣味，都唔錯，但加個芝麻醬好奇怪，有點九唔搭八。環境十分迫，一邊食一邊被服務員撞背，櫈亦較細張，抱住個袋來食，建議輕便帶細袋才來食。服務亦有待改進，一入店就被指來換去，不知坐位安排，感覺又亂又不想做客人生意，幸好食物好食。