餃掂手工餃子雲吞專門店

疫情期間好多食肆都少咗好多人，呢間都唔例外，下午時間到餐廳都唔算太多人。必食嘅酸蘿蔔，呢度醃得好好食，以前可以自己添，但而家要問職員攞先有一碟。韭菜豬肉煎餃，味道較濃嘅一款煎餃，好香口，外皮唔硬，煎得香脆，面頭都唔會覺得太油。芫荽豬肉餃拼大白菜豬肉餃。芫荽豬肉餃，雖然豬肉比例比芫荽多，但食落都有好重嘅芫荽味！大白菜豬肉餃，相對上味道較清，可以中和返味蕾。龍鳳松茸雙灼餃，餡料加入黑松露同白松露，可以因應自己需要點全部黑松露或白松露。個人偏愛黑松露味，食落香味更重，不過白松露就貴少少。蜂蜜檸檬薏米水。