餃掂手工餃子雲吞專門店 (已結業)

好耐無食過餃掂，今次來到已經唔同咗menu，餃子都多咗款式～至尊松茸豬肉湯餃，呢度嘅招牌餃子，餃子會附上2款松茸醬，少少已經好濃味，餃子餡料亦食到好多菇菌，松茸味道好出，好足料！壽喜燒牛肉煎餃，好新穎嘅煎餃，食落味道偏甜，真係似壽喜燒味道咁，肉質似平時飲茶嘅牛肉球，煎起來又出奇地夾！韭菜豬肉煎餃，最經典嘅一款餃子，韭菜餃都係要煎嘅好食！韭菜味道香濃，煎起來有口感得來又juicy，菜肉比例半半，唔會食到好油膩～四川涼麵皮，大量花生係面，味道唔係好辣，但就好惹味！麵皮都好掛醬汁！飲品叫咗自家制山楂雪梨同蜂蜜檸檬薏米水，2杯都大大杯，超抵飲！