影片
更多
2017-10-18
42 瀏覽
今日同同學本來打算食薩利亞做下午茶，點知係同一條街發現左呢間餃子專門店向來係餃子狂迷既a同學馬上要求改食呢間。下午茶時間，店面唔算多人。我地坐左係四人枱，店面亦有吧枱可供選擇。每張枱都有四款餃子既醬汁，醬油碟，一壺水，紙巾，同筷子。四款醬汁左起分別為餃子醬汁，辣油，辛子味噌和味噌醬汁。一睇menu才發現呢間餃餃餃子原來係日本有好多分店未食已經增加左我對佢既期望～Menu既餃子選擇十分多，粗略估計有二十款！一行數人，正好每款食小小，試多幾款不同口味呢～亦好適合貪新鮮既我們雖然話係餃子專門店，但係佢嘅Menu都唔止有餃子嘅，仲有其他小食，甚至係拉麵、飯同烏冬都有！唔駛怕單叫餃子會好難食得飽Chao chao 餃子 ＄23/8隻呢款餃子比起其他嘅餃子細小小，但係賣點係皮薄而且餡料豐富，佢嘅皮係我叫既餃子當中最薄既size 迷你，三兩口就吃光而且毫無罪惡感三種盛合餃子 $45分別有三種口味，海老餃子、蘑菇餃子和日本京都九條葱餃子，每款兩隻。每款都係可以一口吃掉嘅size，但係又比chao chao餃子大隻啲。每隻海老餃子裏面竟然有3-4隻蝦，呢款餃子建議蘸上粗鹽食用，有助提升蝦嘅鮮味因為我唔食
下午茶時間，店面唔算多人。我地坐左係四人枱，店面亦有吧枱可供選擇。
每張枱都有四款餃子既醬汁，醬油碟，一壺水，紙巾，同筷子。
四款醬汁左起分別為餃子醬汁，辣油，辛子味噌和味噌醬汁。
一睇menu才發現呢間餃餃餃子原來係日本有好多分店未食已經增加左我對佢既期望～
Menu既餃子選擇十分多，粗略估計有二十款！一行數人，正好每款食小小，試多幾款不同口味呢～亦好適合貪新鮮既我們
雖然話係餃子專門店，但係佢嘅Menu都唔止有餃子嘅，仲有其他小食，甚至係拉麵、飯同烏冬都有！唔駛怕單叫餃子會好難食得飽
Chao chao 餃子 ＄23/8隻
呢款餃子比起其他嘅餃子細小小，但係賣點係皮薄而且餡料豐富，佢嘅皮係我叫既餃子當中最薄既size 迷你，三兩口就吃光而且毫無罪惡感
三種盛合餃子 $45
分別有三種口味，海老餃子、蘑菇餃子和日本京都九條葱餃子，每款兩隻。
每款都係可以一口吃掉嘅size，但係又比chao chao餃子大隻啲。
每隻海老餃子裏面竟然有3-4隻蝦，呢款餃子建議蘸上粗鹽食用，有助提升蝦嘅鮮味
因為我唔食蔥嘅緣故，未有嘗試九條蔥餃子，不便評論，但朋友認為蔥味溫和
而蘑菇餃子就係今日試過既餃子當中最平平無奇嘅一款，蘑菇味道唔算突出，同一般餃子分別不大。
牛筋豆腐煮套餐 ＄58
套餐包括日本牛筋豆腐煮、精選餃子和日本飯。
呢個日本牛筋豆腐煮真係勁好味呀，小小辣，唔食辣嘅人都接受到嘅辣度，呢種辣味令到個汁更加香～ 個汁本身勁送飯
豆腐煮得好嫩，仲有幾塊蒟蒻，蒟蒻較豆腐有口感之餘亦煮得好入味
雖然菜式名係牛筋，不過我們只見牛腩不見牛筋。牛腩煮得軟腍度適中，牛味唔算濃郁，但充分吸收左醬汁既味道呢
朋友都一致推薦呢款牛筋煮！
牛筋煮套餐附有三隻精選餃子，食到小小薑味，可能是menu裏面既生薑餃子但因為下單時無問過店員，所以唔肯定呢～
蒜香餃子 ＄32/5隻
蒜味係有，但唔算好濃郁，個人認為整體味道平衡，若是追求濃烈蒜香嘅你可能會感到失望。
明太子薯仔餃子棒 $48/3隻
呢款餃子嘅size比較大，但＄16隻嘅價錢確實係有啲貴～
但係味道十分不錯～充滿住我最喜歡既明太子鹹香咬開一半後，果然看見粒粒明太子混喺薯蓉當中。以薯蓉作餡料嘅餃子感覺新鮮！
撇除價錢呢個因素，呢個餃子都值得推薦
蟹肉海老特長豪華餃子棒 $42/1件
開頭確實有俾個價錢嚇親，一隻餃子竟然索價42蚊不過畢竟呢隻餃子有足足18 cm長，而且主要材料係蟹棒同埋蝦，呢個價錢都算正常嘅。
見到實物，發現餃子嘅長度絕無欺場，一件呢個餃子棒已經相等於四隻普通餃子
蟹棒同蝦味十分匹配，粒粒蝦肉彈牙，蟹棒同蝦既份量十足，建議蘸上沙律醬食用
燒雞泡魚干 ＄38
份量都ok多，剛燒起好熱，但熱食才夠香口呢同朋友你一條我一條咁，好快就掃清光了！
Shake shake餃子 $42/5隻
呢款餃子係香港限定架～平日食shake shake薯條就食得多啦，shake shake餃子就真係未試過，好似好過癮咁，貪新鮮嘅我哋又點會錯過呢
同shake shake薯條一樣，有一個紙袋同埋一包調味粉。
我哋揀咗醬油牛油味，一路倒包粉嘅時候，濃郁嘅牛油香撲鼻而來！！
食起上嚟都有好香嘅牛油味，不過味道過鹹，可能只加半包粉已經足夠。餃子外層炸到脆卜卜，好香口，個餡唔會乾爭爭，唔錯。
呢間餃子店既食物質素唔錯，選擇多，下次會再嚟試吓其他特色餃子，例如朱古力餃子～
服務有效率，環境亦都ok，小小挑剔既係抽氣做得一般，坐左一個鐘身上已經染上少許油煙味。
推薦比每一位鐘意餃子既大家～
張貼
