餃掂手工餃子雲吞專門店

日日食漢堡包薯條pizza我唔得，但講到煎餃子我真係可以當飯食，百色不厭！！灣仔呢間餃掂，成日客滿，因為佢哋啲餃子真係好好食，又多口味選擇。每次嚟我起碼自己食到7隻！今日同啲fd嚟，終於可以叫到幾款口味大家share喇，好開心呀～野生松茸素餃，我每次都食呢款，我好鍾意呢隻味，松茸味其實係有少少苦苦地，但係非常之香。個人鍾意食煎多啲，表面香脆同入面啲餡料嘅對比真係妙絕。松茸係日本人非常之崇拜嘅保健食品，聽說好有益，我就係覺得好食啫，如果對身體好就係bonus啦～元貝豬肉餃我第一次食，我就覺得同白菜豬肉餃有啲似，咬開入面件都有元貝絲同金針菇同埋蔥。由於元貝唔係一啲好重味嘅嘢，啲味係比豬肉蓋住咗，唔係好食得出。但係用料係矜貴嘅，所以係值呢個價嘅。我下次會試下叫湯餃，可能會同元貝夾啲。一定要介紹下呢到個調味架，好多醬料選擇！我最鍾意係陳醋+四川辣椒醬，兩樣溝埋真係天下無敵！！另外叫咗個四川涼麵同涼皮，可以揀辣度，唔係好食得辣嘅朋友仔唔好見到四川呢個字就嚇親，怕辣都可以食架～涼麵另外附上麻醬，撈埋啲辣油，蔥花同花生碎，好味到飛起！啲麵條係彈牙嘅，我就好鐘意喇！涼皮唔係太多地方有得食，同涼麵差唔多