龍鳳祥餃子館 (裝修中)

龍鳳祥餃子館黎到佐敦突然心思思想同frd食餃子，不過幾出名個間就食到有啲厭，今次就試下呢間龍鳳祥餃子館，咁啱就係附近。入到店內，職員都幾nice，會介紹下啲食物，就算見到外藉人士，英文唔係幾好，都會盡力推介，睇到都幾窩心。食物就叫咗十隻配牛犇湯嘅蒸肉三鮮餃$52，同五隻煎京蔥牛肉餃，前者個湯望落都幾深色，初頭以為會好heavy，但飲落就覺得幾舒服，偏甜味，冇味精嘅感覺，而三鮮就包括韮菜、豬肉、蝦仁，食落好鮮甜，而皮都適中，同肉嘅比例啱啱好，好似話佢地係當日新鮮包嘅。而牛肉餃，用煎的話，表皮就幾香口，而入面就有蔥嘅甜同牛肉嘅肉汁，食落都幾惹味下。