餃掂手工餃子雲吞專門店

今日見完客忙到七彩，所以嗱嗱臨見到間餃子鋪就衝入去開飯就算啦，首先見到隔離枱係十隻十隻餃子咁嗌，我都怕同男朋友食唔晒，不過見到賣相非常之靚所以我哋都試試。男朋友係韭菜豬肉嘅超級粉絲，所以我哋就嗌左韭菜豬肉煎餃，另外就粟米豬肉煎餃，雖然時間要耐少少，但真係知道佢即場煎，皮薄餡靚仲要好多餡添，另外我哋一人嗌左一個麵，我就嗌左涼拌麵，即係辣辣地又有芝麻醬呢啲特別醒為嘅麵，佢個辣醬亦都調得非常之好食，男朋友就嗌咗個壽喜燒牛肉湯餃子，壽喜燒牛肉亦都係有驚喜，雖然我哋係用湯食，餃子入邊嘅肉質非常之飽滿，而且仲好香牛味，真係意外地搵到一間餃子世外桃源。