餃掂手工餃子雲吞專門店 (已結業)

一直都好想試下餃掂，但一直都約唔啱時間，上星期終於好隨心咁經過佢地係太子既分店，擇日不如撞日就入左去試下。店舖闊落乾淨，而且座位之間唔會好迫坐得好舒服，menu有好多唔同既餃子選擇．龍鳳松茸煎餃 $147原來係黑松露同松茸煎餃鴛鴦拼搭，完全可以滿足咩味都想試下既朋友。黑松露同所有主食都好夾，餃子都唔例如，店家用料非常足夠，成隻餃子都係滿滿松露；另外一款係松茸煎餃，菇味突出有驚喜，而且成隻餃子飽滿大大隻，好滿足．香煎軟心芝士餃 (10隻) $68餃子內餡除左芝士仲有栗米粒，除左可以增加餃子既咬口之外，仲可以提升餃子既味道層次同解膩，芝士餃就算凍左都唔會杰左，而且唔係太膩，10隻絕對可以一個人解決得哂。．蜂蜜檸檬薏米水 $28薏米水除左1/4枝都係薏米真材實料之外，飲落酸甜酸甜似係蜂蜜都落足料沖制，誠意之作同場推介: 食得辣既朋友可以試下枱面上既”四川辣椒醬”同”菜脯豆豉醬”，兩款辣油同餃子超夾，個人更遍好”菜脯豆豉醬”除左辣仲有一陣鹹香味。