餃掂手工餃子雲吞專門店

今日食咗一間叫做「餃掂」嘅餐廳，唔知食完會唔會搞掂到我個胃呢？所以就去咗試了。我去咗灣仔店，喺mtr附近，好方便。呢度有多款唔同口味的餃子可以選擇，亦都可以選擇煎餃同埋湯餃。而每張枱都有醃蘿蔔比堂食嘅客人食，係任食嘅，食完好開胃，酸酸甜甜仲有少少微辣，好正！好啱我口味！到餃子方面，我叫咗 「至尊松茸豬肉煎餃配狀元九鼎湯」松茸豬肉餃皮非常薄，一口咬落已經食到豬肉，豬肉餡料彈牙，好足料，餃子有好濃厚嘅松茸香味，再配上店家自製嘅松茸醬，點埋松茸醬，昇華松茸嘅鮮香味道，香味突出餃子嘅鮮味，有非常之濃烈嘅香味。每款湯餃都配上狀元九鼎湯，而至尊松茸豬肉煎餃係都會有狀元九鼎湯嘅！狀元九鼎湯主要材料有粉葛同赤小豆，入口有屋企人煲嘅老火湯嘅感覺，冇乜味精嘅味道，感覺好健康養生。