餃掂手工餃子雲吞專門店

龍鳳松茸餃黑松露就食得多，白松露即係第一次喺呢度食到。雖然食落唔係好識分黑松露同白松露嘅味道有啲咩唔同，但都係幾特別。松露味道幾香，跟咗個湯都幾清甜，有啲似係有用雪梨蘿蔔煲出嚟。餃子同湯係分開上，但建議浸一浸湯，用匙羹潷埋湯一齊食。煎壽喜燒牛肉餃子🥟我覺得好味過甜記餃子，甜記餃子煎個外皮會好硬。餃掂算係適中，會有兩邊係煎到脆和硬，但中間就會係林身。成件事有啲似係堅信號嘅生煎包咁～ 因為裏面都有啲壽喜燒湯汁，我夾嘅第一嚿餃子太大力，就漏汁 quite juicy 。牛肉仲有夾埋京蔥，都幾有日本風味叫咗個山楂雪梨茶。店員幾好，見到我老婆大肚，會提佢唔好飲。😂豆漿幾大杯，好似用啤酒杯🍻裝